10 iyundan 2025/2026-o‘quv yili uchun akademik litseylarga umumtaʼlim maktablarining joriy yil 9-sinf bitiruvchilaridan hujjatlarni my.edu.uz portali orqali onlayn qabul qilish boshlandi.

Abituriyentlar ro‘yxatdan o‘tish jarayonida tizimga ID-karta yoki tug‘ilganlik haqida guvohnoma maʼlumotlarini kiritish bilan birga quyidagi hujjatlarni elektron shaklda (PDF, JPEG) yuklashlari lozim:

⇒ 3,5x4,5 sm o‘lchamdagi 1 ta rangli fotosurat;

⇒ O‘qishga imtiyozli kirish huquqini beruvchi hujjatlar — fan olimpiadasi g‘olibi ekanligini tasdiqlovchi diplom, chet tili va umumtaʼlim fanlarni bilish darajasi to‘g‘risidagi milliy yoki xalqaro sertifikat (mavjud bo‘lsa).

Abituriyentlar ro‘yxatdan o‘tishda:

• o‘zlari tanlagan uchtagacha akademik litseyning bittadan mos yo‘nalishini tanlashi (bunda taʼlim tili bir xil bo‘lishi kerak);

• va qaysi chet tilidan kirish test sinovini topshirishini belgilaydi.

• Abituriyent o‘zi tanlagan hududda tashkil etiladigan kirish test sinovlarida ishtirok etadi.

Qabul jarayonlari 10 iyulga (shu kuni ham) qadar davom etadi.

*Qabul jarayonlari bilan bog‘liq qo‘shimcha maʼlumotlarni akademik litseylarda tashkil etilgan “Maslahat markazlari” yoki Vazirlikning @eduuzuniversalbot orqali olish mumkin.

*Eslatma:

Qabul kvotasi bu yerda

Fanlar majmuasi, test topshiriqlari soni hamda baholash mezonlari bu yerda