Ota-onalar my.maktab.uz elektron platformasi orqali ro‘yxatdan o‘tib, ariza topshirishlari mumkin.

MMT vazirligi Axborot xizmatining xabar qilishicha, 2025-2026-o‘quv yili uchun 1-sinfga qabul 20 iyundan boshlanadi.

Reglamentga muvofiq, 1-sinfga qabul jarayonlari 2 bosqichda amalga oshiriladi:

1-Bosqich: 20 iyundan 31 iyulgacha mikrohudud doirasida,

2-Bosqich: 1 avgustdan 15 avgustgacha mikrohududdan tashqarida.

1-sinfga qabul jarayonlari quyidagi tuman (shaharlarda) shaklda davlat xizmatlari orqali amalga oshiriladi.

Bunda ota-onalar 20 iyundan boshlab, my.maktab.uz elektron platformasi orqali ro‘yxatdan o‘tib, ariza topshirishlari mumkin.

Davlat xizmatlari ko‘rsatilmaydigan hududlarda 1-sinfga qabul qilingan o‘quvchilar vazirlik elektron tizimi (adm.maktab.uz) ga kiritiladi.

Eslatib o‘tamiz, bu yil 1-sinfga 2018 yilning 31 dekabriga qadar tug‘ilgan bolalar qabul qilinadi.