Kelishuv doirasida sedanlardan tortib to to‘liq o‘lchamli krossoverlargacha bo‘lgan modellarni ishlab chiqarish rejalashtirilgan. Ommaviy ishlab chiqarishni boshlash yil oxiriga rejalashtirilgan.

IV Toshkent Xalqaro Investitsiya Forumi doirasida Volkswagen AG va “O‘zavtosanoat” AJ tarkibiy korxonasi — Alyans Auto kompaniyasi o‘rtasida zamonaviy yengil avtomobillar, sedanlardan tortib to to‘liq o‘lchamli krossoverlargacha bo‘lgan model qatorini kengaytirish bo‘yicha yangi kelishuv imzolandi. Bu haqda “O‘zavtosanoat” AJ Matbuot xizmati xabar qildi.

Barcha modellar mahalliy bozor sharoitlari va isteʼmolchilar talablariga moslashtiriladi.

Imzolangan kelishuv hamkorlikning izchilligi va strategik yo‘nalishini aks ettirib, muvaffaqiyatli hamkorlikning mantiqiy davomi va Volkswagen brendining mintaqadagi barqaror rivojlanish yo‘lidagi muhim qadami bo‘ldi.

“Mintaqaning yuragida joylashgan O‘zbekiston avtomobil ishlab chiqarish va eksportini tashkil etish uchun keng imkoniyatlar ochadi. Ushbu hamkorlikni biz Volkswagen‘nning bozordagi barqaror ishtirokini kengaytirish yo‘lidagi muhim qadam deb bilamiz”, — dedi Volkswagen AG Boshqaruv kengashining savdo, marketing va sotuvdan keyingi xizmat ko‘rsatish bo‘yicha aʼzosi Martin Sander.

Loyiha doirasida yangi ishlab chiqarish quvvatlarini ishga tushirish, mahalliylashtirish darajasini oshirish, texnologiyalarni uzatish va mamlakatning avtomobil sanoati eksport salohiyatini rivojlantirish rejalashtirilgan.

Ommaviy ishlab chiqarishni boshlash 2025 yil IV choragiga mo‘ljallangan.

Maʼlumot uchun, 2019 yildan boshlab korxona "Jizzax Auto" brendi ostida Volkswagen va Skoda rasmiy ishlab chiqaruvchisi va distribyutori sifatida faoliyat ko‘rsatdi. Volkswagen kompaniyasining BPDD korporativ auditi natijalariga ko‘ra, 2025 yilda kompaniya sifat va mijozlarga yo‘naltirilgan standartlarga sodiq qolgan holda Alyans Auto nomi ostida rebrending va faoliyatini davom ettirdi.