Qonunchilikka ko‘ra, joylarda aholi muammolarini hal qilishga qaratilgan "Xalq nazorati" platformasi ishga tushirilgan.

≈ Xabarlar internet tarmog‘idagi xalqnazorati.uz shuningdek, platformaning mobil ilovasi orqali yuborilishi mumkin.

≈ Aholi tomonidan qurilish, uy-joy kommunal xizmat, suv, kanalizatsiya, isitish tizimi, elektr va boshqa muhandislik taʼminoti, transport va yo‘l, shuningdek, hudud infratuzilmasida mavjud muammolar yuzasidan platformaga yuborilgan xabarlar vakolatli organlar tomonidan ko‘rib chiqiladi.

≈ Bunda, xabar beruvchilar:

♦ shaxsini tasdiqlovchi hujjat maʼlumotlari va telefon raqamini kiritgan holda platformada ro‘yxatdan o‘tadi;

♦ platformada aniqlangan muammoga mos keluvchi xabar mavzulari tasniflagichini tanlab o‘z shaxsiy kabineti orqali muammoni tavsiflovchi maʼlumotlarni shakllantiradi;

♦ muammoning manzili va geolokatsiyasini belgilagan holda xabarni yuboradi.

♦ Xabarda ko‘rsatilgan muammoni qo‘rib chiqish uchun 10 kalendar kungacha muddat belgilanadi.