Toshkentni qanday yaxshilash mumkin — hokimiyat fuqarolarga so‘rov bilan murojaat qildi
Javoblar kelgusidagi islohotlarda inobatga olinadi.

Toshkentni qanday yaxshilash mumkin — hokimiyat fuqarolarga so‘rov bilan murojaat qildi
Toshkent shahar hokimiyati poytaxt aholisi va mehmonlari o‘rtasida so‘rovnoma o‘tkazishga qaror qildi. Bu orqali shahar hayotini yana-da qulay qilish bo‘yicha takliflar yig‘ilmoqda.

Buning uchun shahar maʼmuriyati doimiy yashovchi mahalliy fuqarolardan tortib, vaqtinchalik ishlash uchun kelganlar va xorijdan Toshkentga ko‘chib kelgan ekspatlargacha bo‘lgan turli toifadagi shaxslar uchun alohida savollar tuzgan. So‘rovda qatnashish uchun ishtirokchilar mos havolani tanlab, anketa to‘ldirishlari kerak:

• mahalliy fuqarolar uchun;

• xorijdagi vatandoshlar uchun;

• Toshkentdagi ekspatlar uchun.

Toshkent shahar hokimiyatini qiziqtirayotgan asosiy savollar quyidagilardan iborat:

• Sizning tumanda qanday xizmatlar yetishmayapti?

• Kundalik hayotingiz yoki kasbiy faoliyatingiz uchun qanday servislar kerak?

• Toshkentda qaysi brendlar yoki xizmat turlarini ko‘rishni istar ediz?

Taʼkidlanishicha, to‘plangan maʼlumotlar tahlil qilinib, poytaxtni rivojlantirishga qaratilgan dastur va rejalarni ishlab chiqishda hisobga olinadi.