«Sun'iy intellekt va LegalTech» mavzusida seminar-trening

2025-yil 31-iyul kuni “Madad” nodavlat notijorat tashkiloti, uning huquqiy maslahat byurolari hamda CALL-markaz xodimlari uchun muhim seminar-trening bo‘lib o‘tdi.

Tadbir Yuridik kadrlarni qayta tayyorlash va malakasini oshirish instituti bilan hamkorlikda tashkil etildi. Treningni Institutning tajribali o‘qituvchisi Islombek Abdixaqimov olib bordi. Dars nazariya va amaliy tajribalarga boy bo‘lib, ishtirokchilar uchun juda foydali bo‘ldi.

Seminar davomida «Sun'iy intellekt (AI) va LegalTech: huquqiy yordamning yangi bosqichi» mavzusi atroflicha muhokama etildi.

Ayniqsa, sun'iy intellekt texnologiyalarining huquqiy sohada qo‘llanilishida quyidagi masalalarga alohida eʼtibor qaratildi:

• Sun'iy intellekt yordamida huquqiy maslahatlarni avtomatlashtirish imkoniyatlari;

• Hujjatlar mazmunini tahlil qilishda tezlik va samaradorlikni oshirish — yaʼni yurist va maslahatchilarning vaqt va resurslarini tejash;

• LegalTech vositalari orqali aholiga tezkor va sifatli huquqiy yordam ko‘rsatish.

Olingan bilim va ko‘nikmalar “Madad” jamoasining professional salohiyatini yana-da oshirishga xizmat qilib, fuqarolarga huquqiy xizmat ko‘rsatishni yana-da sifatli, zamonaviy va samarali darajaga ko‘tarishga imkon beradi.