Bugun “Madad” Nodavlat notijorat tashkiloti va O‘zbekiston Nodavlat notijorat tashkilotlar milliy Assotsiatsiyasi o‘rtasida muhim uchrashuv bo‘lib o‘tdi. Uchrashuvdan asosiy maqsad – tashkilotlarimiz o‘rtasidagi aloqalarni yana-da chuqurlashtirish va hamkorlikni kuchaytirishdan iborat.

Suhbat chog‘ida “Madad” NNTning aholining huquqiy savodxonligini oshirish, fuqarolarga bepul yuridik yordamlar ko‘rsatish borasidagi salmoqli ishlari alohida eʼtirof etildi.

Assotsiatsiya tomonidan esa NNTlarni har tomonlama qo‘llab-quvvatlash va ularning faoliyatini rivojlantirish borasidagi ijobiy ishlar haqida so‘z bordi.

• Taʼkidlanganidek, Assotsiatsiya va “Madad” NNT o‘rtasidagi hamkorlik juda samarali bo‘lib, ularning maqsadlari bir-birini to‘ldirishi va jamiyat farovonligi yo‘lida umumiy bir yo‘nalishga qaratilgani ko‘rsatib o‘tildi.

• Ushbu hamkorlikdan katta umidvormiz va kelgusidagi qo‘shma loyihalarimiz haqida sizlarni xabardor qilib boramiz!